Sciant presentes et futuri quod ego Matilda filia Willelmi Bern in mea ligia potestate concessi et quietam clamavi de me et de heredibus meis in perpetuum sacristerie monachorum sancti Johannis apostoli et evangeliste de Pontefracto illam dimidiam acram terre in campis de Pontefracto quam Jordanus Campio de dono meo et Ysabel sororis mee habuit et eisdem monachis in elemosinam contulit que jacet propinquior terre Thome filii Eadwini tenend et habend libere et quiete reddendo inde annuatim unum denarium prepositis ejusdem ville ad festum sancti Michaelis pro omni servitio et consuetudine Pro hac autem concessione et quieta clamatione dederunt mihi et Ysabel sorori mee prefati monachi tres solidos Et ne ego vel heredes mei unquam contra hoc factum venire possimus hoc scriptum sigillo meo munitum in hujus rei testimonium et confirmationem predictis monachis donavi Hiis testibus Johanne de Birkina Gilleberto de Notton tunc senescallo Johannis de Lasci Willelmo fiiio ejus Willelmo capellano Willelmo de Camesal Roberto filio Haraldi Willelmo de Daneport Radulpho de Batelea Waltero Scot Gilleberto filio Hugonis tunc prepositis Pontefracti Willelmo Bele Roberto filio Silver Symone de Lewes Johanne filio Michaelis

Source Fulltext: Chartulary of St. John of Pontefract. Richard Holmes. Yorkshire Archaeological Society, V.25. Yorkshire Archaeological Society. Leeds. 1899.