Baldewynus de Redveriis omnibus hominibus suis francis et anglis ceterisque Christi fidelibus ad quos presens scriptum pervenerit universis salutem Sciatis me pro Dei amore et pro salute anime mee et pro animabus omnium tam antecessorum quam successorum et amicorum meorum concessisse et presenti carta mea confirmasse Hillario decano et ceteris omnibus in Christi ecclesia de Twinham Deo servientibus et servituris ecclesias decimas chersez terras redditus homines cum tenementis suis et eorum sequelis omnes tam ecclesiasticas possessiones quam seculares tenuras et omnia quecunque illorum sunt et esse debent super feudum meum de quibus saisiata est ecclesia vel quecumque clamant rationabiliter se debere habere de feudo meo sicut in terris hominibus pratis pascuis in aquis in omnibus aliis libertatibus et liberis consuetudinibus et acquitantiis ut omnia bene in pace libere et quiete de me et heredibus meis teneant que sua sunt et que sua esse debent omnia integre habeant in liberam puram et perpetuam elemosinam perpetuo plene possideant sicut melius plenius et liberius possunt possideri ut dignitatem suam plenam et omnes suas liberas consuetudines in omnibus rebus honorifice habeant sicut antiquitus semper habere solebant ville scilicet ipsius scolam suam liberam curiam cum socce[] et sacem toll[] et tem[] et hinfangenethof ita plene libere et quiete sicut rex Henricus patri meo Ricardo de Redveriis plenius et liberius habere concessit quando ei primum hereditario iure habend totum contulit feudum ipsam videlicet Cristescherchiam de Twynham cum omnibus suis pertinentiis in qua Deo serviunt totam terram quam habent in duobus vicis eiusdem ville de Twinham mesuagiis curtillagiis cum hominibus et eorum sequelis pertingentem usque in aquam de Stures terram quam habent iuxta cimiterium ex dono Alurici de Brochleia totam exinde terram usque in aquam de Havene que est inter cimiterium et fossatum castelli mesuagium supra ipsius castelli fossatum quod habent ex dono Gamelini mesuagium cum pertinentiis quod habent versus Laborram ecclesiam de Bolra cum capellis suis de Lermeton et de Brokeherst ecclesiam de Hordull et de Melneford cum pertinentiis ecclesiam de Soppel[] cum omnibus que ad eam spectant unam virgatam terre cum appendiciis in eadem villa ex dono Godwini comitis quam Orricus de Stanton[] eidem Christi ecclesie violenter surripuit capellam de Holeherst ecclesiam de Pideleton[] cum omnibus ad eam spectantibus prebendam quam habent ex antiquo in ipsa villa de Pideleton[] totum tenementum quod tenuit Alsi presbiter in Bailocuslei et quod Alnold[] in Bostel totam terram de Hurne terram de la Grave cum ipso Bostell[] Bradefeld[] Richedon suis pertinentiis Hedenesburiam cum omnibus que sibi adiacent terram de Stamputt et de Huburn[] et de Presteton[] cum omnibus suis appendiciis In insula Wicht ex dono Ricardi de Redveriis manerium de Ningwede cum Hamstede Presteton[] et cum quadam terra in Suthampton[] suis pertinentiis totam terram de Apsa ex dono Rogeri del Estre decimam de dominio Alurich de Brochl[] in Ernemua decimam telonei de feria de Cristescherche decimam de wrecch[] quicquid illud fuerit quod super feudum meum in parochia eorum evenerit preter de grespeis cuius sinistram noam de iure antiquo habere debent primum annuatim salmonem tam decimam salmonum et omnis capture piscium quam omnium novalium meorum per annum intra villam et extra duas cotidie carectas euntes propter brueriam super terram meam centum annuatim carrectas turbarum ad coquinam suam de feudo meo si super terram suam non habuerint ubique super terram meam liberi esse a teloneo sive vendant sive emant primam omnium emptionem in villa de Cristeschirche si ego vel heredes mei absentes fuerimus si vero presentes fuerimus secundam habere debent nullum mercenarium debent mei ballivi ibidem pati emere vel vendere ad dampnum vel exhonorationem ecclesie causa lucri michi vel heredibus meis nec de mercennario teloneum in ecclesia aliquando recipere per totum annum ubicunque voluerint piscabunt Christi ecclesie servientes sed propter salmones meos subtus Twynham ubi due aque conveniunt Havena scilicet et Sture quia hec omnia cum eorum pertinentiis ante me testibus multis illi habuerunt libere et quiete de me et heredibus meis tenend et integre habend sibi et successoribus suis concessi que et presenti carta mea et sigillo meo confirmavi meis heredumque meorum baillivis firmiter precipiens ut nullus eos exinde vexet vel aliquod contrarium eis fieri permittat Hiis testibus Huberto de Vaus Stephano de Mandevill[] Galfrido de Fornell[] Jordano de Estre Radulfo de Cadomo Giralmo de Vernone Willemo de Gemegis Ricardo de Angervill[] Willelmo de Morvill[] Roberto de Saucei Willelmo de Helio Hugone Pevrel Galfrido de Spineto Hugone de Windeleshores Waltero filio Radulfi Roberto fratre eius Roberto filio Pagani Theodorico fratre eius Hugone Gernun et multis aliis

Source Fulltext: Charters of the Redvers Family and the Earldom of Devon. R. Bearman. Devon and Cornwall Record Society, New Series, V.37. Devon and Cornwall Record Society. Exeter. 1994.