Omnibus Christi fidelibus presens scriptum visuris vel audituris Johannes filius Petri Duryval de Garinges salutem in domino sempiternam Noverit universitas vestra me concessisse remisisse et omnino de me et heredibus meis inperpetuum quietum clamasse Johanni filio Roberti Loveday et heredibus et assingnatis suis quibuscumque totum ius et clamium quod habui vel aliquo modo habere potui in uno mesuagio quadraginta acris terre duabus partibus unius acre prati et decem et novem denariatis redditus cum pertinenciis in Garinges habend et tenend omnia predicta scilicet mesuagium etc. cum omnibus pertinenciis suis predicto Johanni filio Roberti Loveday et heredibus et assingnatis suis De capitalibus dominis feodi illius faciendo etiam eisdem capitalibus dominis omnia servicia inde debita et de iure consueta Ita quod nec ego Johannes filius Petri Duryval nec aliquis heredum meorum aut assignatorum aliquid iuris vel clamii in predictis mesuagio etc. in posterum exigere potero vel poterimus seu aliquo modo vendicare quoquo modo Preterea volo et concedo per hoc presens scriptum quod ego Johannes filius Petri Duryval et heredes mei warantizabimus Johanni filio Roberti Loveday et heredibus suis et suis assingnatis predicta mesuagium etc. cum omnibus pertinenciis suis contra omnes gentes inperpetuum si contingat ipsum Johannem filium Roberti Loveday a quocumque inplacitari In cuius rei etc. Hiis testibus Willelmo Loveday Radulfo filio eius Ricardo Neuband Gilberto de Chalkore Johanne Frankeleyn Roberto Belefaunt Willelmo Sweteman seniore Dat apud Garinges die Mercurii in vigilia sancti Jacobi apostoli Anno rengni regis Edwardi tricesimo primo

Source Fulltext: A Collection of charters relating to Goring, Streatley and the neighborhood, 1181-1546. T. R. Gambier-Parry. Oxfordshire Record Series, V.13. The Oxfordshire Record Society. Oxford . 1931.