Ioh[ann]es comes Mort[onie] iusticiariis et ballivis vicecomitibus et forestariis et omnibus ministris suis salutem Sciatis me quietos clamasse abbatem et monachos Gloc[estrie] et homines suos et terram suam et totum boscum suum de Wivelrugge qui est infra metas foreste mee de Malv[er]nia quem dominus rex Hen[ricus] eis dedit et carta confirmavit de vastis et assartis et de regardo forestariorum et de omnibus aliis rebus et consuetudinibus que ad me vel servientes meos pertineant Et concedo quod ipsi monachi et ballivi eorum de ipso bosco faciant omnino ad voluntatem suam absque visu et regardo forestariorum et servientium meorum Concedo etiam eidem abbati et monachis warennam suam libere et plenarie per totam terram suam quam habent infra metas predicte foreste mee de Malv[er]nia Et prohibeo ne aliquis ballivorum vel forestariorum vel servientium meorum aliquam molestiam vel gravamen eis faciat vel terre vel hominibus eorum contra prescriptas libertates Teste Rog[er]o de Planes w[illelmo] de Wenneval etc '

Source Fulltext: Earldom of Gloucester Charters. The Charters and Scribes of the Earls and Countesses of Gloucester to A.D. 1217. R. B. Patterson. Clarendon Press. Oxford. 1973.