Sciant omnes tam presentes quam futuri quod ego Ysabell[a] comitissa Gloucestr[ie] et Essex[ie] in libera viduitate mea concessi et hac presenti carta mea confirmavi deo et ecclesie beate Marie de Margan et ibidem monachis deo servientibus in puram et perpetuam elemosinam omnes donationes concessiones et confirmationes quas eis fecerunt Rob[ertus] comes Gloucestr[ie] avus meus et Will[elmus] comes Gloucestr[ie] pater meus scilicet omnes terras cum pertinentiis suis inter Kenefeg et ulteriorem ripam aque de Aven[e] que est ad occidentem heremitagii Theodorici et sicut montana tendunt a sursa aque de Kenefeg usque ad locum Middelc[r]os et inde in transversum Blamant[] disculva et inde usque ad Rikeverethi et inde sicut Aven[e] descendit in mare Et totum wrec inter Aven[e] et Kenefeg Et unum burgagium in Kaerdif et unum in Novo Burgo et unum in Bristoll[ia] Concessi etiam predictis monachis donationes liberorum hominum meorum scilicet terram Sturmy per divisas suas cum pertinentiis suis unde habent confirmationem patris mei et totum forinsecum servitium eiusdem terre Sturmy ad me vel ad heredes meos pertinens eisdem monachis quietum clamavi et relaxavi in perpetuum et dedi in puram et perpetuam elemosinam Et quicquid habent ex dono Gileb[erti] Gram[us] et heredum eius Et quicquid habent ex dono burgensium de Kenefeg et liberorum hominum in villa de Kenefeg vel extra in eodem feodo Et totum feodum de Langewi ex dono David Scurlagge et antecessorum eius et totum forinsecum servitium eiusdem feodi ad me vel ad heredes meos pertinens prefatis monachis dedi in perpetuam elemosinam et quietum clamavi imperpetuum preter dimidiam marcam argenti pro warda et omni alio servitio ad me vel ad heredes meos pertinente annuatim nobis reddendam Et terram Walt[er]i Lageles Et quicquid habent ex dono liberorum hominum meorum in feodo Novi Castelli Et concessionem Nich[olai] Puinz de feodo de Langewi eis concessi et confirmavi Et quicquid habent ex dono Pagani de Turb[er]vill[a] aut heredum eius in Koetkarth Et ex dono filiorum h[er]berti Killekulu[m] per divisas suas cum pertinentiis suis et totum forinsecum servitium scilicet quod ad coquinam reddi solebat eisdem monachis dedi in perpetuam elemosinam Et ex dono Morgan[i] filii Oen[i] Hevedhaloc Et quicquid habent ex dono Morgan[i] filii Caradoc[i] vel heredum eius in marisco de Aven[e] et Berges et Roshaulin Et communem pasturam in montanis inter Thaf et Neth et terram que appellatur Pultimor apud Landmeuthin Et si aliquod forinsecum servitium pertinuerit mihi vel antecessoribus meis de ipsa terra de Pultimor illud totaliter dedi et remisi prefatis monachis in puram et perpetuam elemosinam et quietum clamavi imperpetuum Et ex dono Will[elmi] de Lond[oniis] vel heredum eius totam terram de Egleskeinwer cum pertinentiis suis Et decem solidatas terre apud Marc[r]os ex dono Philippi de Marc[r]os Et quicquid habent ex dono Henr[ici] de Umfranvill[a] vel heredum eius apud Landmeuthin et Bradinton[] Et duodecim acras quas habent ex dono Urbani sacerdotis de Pendivelin et ex dono Hug[onis] de Lankervan triginta tres acras Et ex dono Ade de Sumery duodecim acras Et ex dono Iorevarch [i] filii Iustini duas acras Et quicquid habent ex dono Ioh[annis] de Bonevill[a] et heredum eius apud Bonevill et ex dono Templarior[um] quadraginta acras ibidem Et ex dono Moreduh communam terre sue in boscis et pasturis quantum opus habuerint ad usum grangie sue de Landmeuthin Et quicquid habent ex dono Rob[erti] Sansun in feodo sancti Nich[olai] Et quicquid habent ex dono burgensium de Kaerdif vel liberorum hominum in eadem villa vel apud Listelebon Preterea dedi eisdem monachis communam in toto marisco meo ad occidentalem partem ville de Kaerdif inter Taf et Eley ita quod pro singulis capitibus animalium suorum tantum reddent mihi et heredibus meis annuatim quantum burgenses de Kaerdif pro singulis capitibus animalium suorum in eadem mora pascentium reddere solebant tempore patris mei Hec omnia concessi et hac carta confirmavi predictis monachis habend et tenend imperpetuum Et remisi eis imperpetuum redditus coquine de terra Gillemichel et redditus quatuor solidorum et trium obolorum de terra que fuit Ioaf Trainga[m] Concessi etiam eis omnes alias donationes venditiones invadiationes eis rationabiliter factas vel faciendas Quare volo et precipio quod dicti monachi habeant et teneant omnia predicta bene et in pace libere et quiete integre et plenarie et honorifice in bosco et plano in viis et semitis in aquis et molendinis in vivariis et stangnis in moris et mariscis in turbariis et piscariis in pratis et pasturis cum omnibus pertinentiis et libertatibus sicut predictum est Hiis testibus Henr[ico] de Fumell[is] Will[elm]o de Tichesie Will[elm]o canonico de Kainesham Nich[olao] tunc priore de Margan Ioh[ann]e monacho de Neth Ernaldo converso de Margan Martino hostiario Ioh[ann]e de Swinesheved et multis aliis

Source Fulltext: Earldom of Gloucester Charters. The Charters and Scribes of the Earls and Countesses of Gloucester to A.D. 1217. R. B. Patterson. Clarendon Press. Oxford. 1973.