Universis Christi fidelibus ad quos praesens scriptum pervenerit Petrus Hushald de Seleby salutem in Domino Noveritis me remisisse relaxasse et inperpetuum de me et heredibus meis omnino quietum clamasse dominis meis Abbati et Conventui de Seleby et eorum successoribus totum jus et clameum quod habui vel habere potero in omnibus terris et tenementis quae eisdem ad terminum viginti annorum prius dimiseram et quae de eis tenui videlicet unum mesuagium cum pertinenciis in Seleby scilicet in Mikelgate jacens inter toftum Rogeri Marescalli ex una parte et toftum Henrici tannatoris ex altera et unum toftum cum aedificiis superpositis in Midelthorp et decem acras terrae cum pertinenciis in feodo de Seleby jacentes juxta Ruddeker quas idem Petrus habuit ex dono Abbatis de Seleby ita quod nec ego nec heredes mei nec aliquis nomine nostro jus clameum vel actionem aliquam in eisdem de cetero exigere vel vendicare poterimus imperpetuum In cujus rei testimonium huic scripto de remissione et quieta clamancia pro me et heredibus meis sigillum meum apposui Hiis testibus Johanne de Hanburgh Willelmo Gily Radulfo de Scotton etc Dat apud Seleby in vigilia Ascensionis Domini anno Domini millesimo ducentesimo nonogesimo septimo

Source Fulltext: The Coucher Book of Selby. J. T. Fowler. Yorkshire Archaeological and Topographical Association, V.10. Yorkshire Archaeological and Topographical Association. Thomas Claudcleugh. Durham. 1891.