Anno regni Regis Henrici filii Regis Johannis quadragesimo quarto die Jovis proxima ante festum Natalis Domini ejusdem anni convenit inter Thomam Abbatem et Conventum de Seleby et Adam filium Roberti de Wicstowe in hunc modum videlicet quod praedictus Adam pro se et heredibus suis Deo et ecclesiae Sancti Germani de Seleby et praedictis Abbati et Conventui ejusdem loci et eorum successoribus remisit concessit et quietum clamavit totum jus et clameum et rectum quod habuit vel habere potuit in duabus acris terrae quas Willelmus de ecclesia tenuit aliquando jacentibus extra Stainer Ker ad omnem comodum et voluntatem suam inde faciendum inperpetuum Memorati vero Abbas et Conventus pro se et successoribus suis in excambium pro praedictis duabus acris terrae totum jus et clameum et rectum quod habuerunt vel habere potuerunt in duabus acris quarum una jacet in Marescalridding quam Walterus de Scotton aliquando tenuit et altera jacet in Gamel riding juxta terram Ricardi Turnegos dicto Adae et heredibus suis remiserunt concesserunt et quietum clamaverunt imperpetuum salvo dictis religiosis annuo reditu quatuor denariorum pro praedictis duabus acris terrae ut autem haec terrarum praedictaum mutuatio firma et stabilis imperpetuum permaneat Abbas ejusdem loci parti hujus scripti dicto Adae traditae sigillum Suum apposuit et alteri parti dictis religiosis traditae idem Adam sigillum suum apposuit Hiis testibus Johanne patre domini Thomae Abbatis de Seleby etc

Source Fulltext: The Coucher Book of Selby. J. T. Fowler. Yorkshire Archaeological and Topographical Association, V.10. Yorkshire Archaeological and Topographical Association. Thomas Claudcleugh. Durham. 1891.