Omnibus hoc scriptum visuris vel audituris Johannes Camerarius de Seleby Walterus Capellanus Thomas de Drayton Radulfus de Hanburg[] Henricus Juuen Alanus le Fraunceis Walterus de Scotton Johannes Tannator Thomas de Hayton Martinus Tannator Willelmus Pipin Rogerus Bay Ricardus Hund et totius villatae de Seleby universitas salutem in Domino Universis et singulis notum facimus nos communi assensu et voluntate omnium nostrum libere tenentium ejusdem villae concessisse et imperpetuum quietum clamasse pro nobis et heredibus nostris Deo et Sancto Germano de Seleby et monachis ibidem Deo servientibus totum jus et clameum quod habuimus vel habere poterimus in bosco del Est et in herbagio ejusdem bosci ad fossandum claudendum et in omnibus modis et ingeniis comodum suum inde faciendum salvo nobis herbagio in residuo ejusdem bosci quod extra fossata praedictorum monachorum fuerit inclusum per metas et bundas ibidem factas ita tamen quod habeamus in pannagio porcos nostros in eodem bosco si Abbati et Conventui placuerit aliquos porcos extraneos praeter porcos suos dominicos in eodem bosco recipere eodem pacto et condicione qua solebamus habere porcos nostros In cujus rei testimonium nos Johannes Juuenis [] Walterus Capellanus[] [] huic praesenti scripto penes Abbatem et Conventum residenti sigilla nostra pro universitate villatae de Seleby apposuimus Dat apud Seleby die Sabati proxima Post festum Sancti Ambrosii anno Domini m cc l quinto in praesentia domini Thomae de Stanford clerici domini Regis et aliorum plurimorum hominum fidelium ibidem existentium

Source Fulltext: The Coucher Book of Selby. J. T. Fowler. Yorkshire Archaeological and Topographical Association, V.10. Yorkshire Archaeological and Topographical Association. Thomas Claudcleugh. Durham. 1891.