Universis pateat per presentes quod ego Hugo de Morisceby heres Simonis de Bowille remisi concessi et pro me et heredibus meis et successoribus ac assignatis quietum clamavi imperpetuum Deo et B Maria de Furnes et Abbati et monachis ibidem Deo servientibus omnes querelas et calumpnias si quas habui vel habere potui ad terras et tenementa quas vel quae habent a me vel ab antecessoris meis qualitercunque dictae terrae vel tenementa perquisita fuerint et insuper totum jus et clamium nostrum si quid umquam ego vel aliquis antecessorum seu successorum meorum habuimus vel habere potuimus sive etiam habere poterimus imperpetuum quocumque modo in boscis planis pratis pascuis aut quibuscumque terris locis seu rebus aliis ad praedictis Abbatem et Conventum pertinentibus exceptis solis terris illis in quibus ego die confectionis praesentium fui pacifice et plene seisitus sicut de meo proprio et libero tenemento Remisi insuper et quietum clamavi de me et heredibus ac assignatis meis praedictis Religiosis in puram et perpetuam elemosinam totum jus et clamium si quod ego vel aliquis antecessorum vel successorum meorum quorumcumque umquam habuimus vel habere potuimus aut poterimus imperpetuum quocumque modo communicandi cum Religiosis praedictis in boscis planis pascuis terris locis seu aliis rebus suis et possessionibus suis quibuscumque nisi tantum in illis pasturis in quibus die confectionis praesentium ego communicavi pacifice et sine calumpnia eorundem Concedi insuper eis et praesenti scripto meo confirmo omnes terras et tenementa quaecumque a me vel ab antecessoris meis umquam qualitercumque habuerunt Confirmo etiam eisdem omnes cartas conventiones et scripta quae umquam a me vel a quocumque praedecessorum meorum habent aut habuerunt quocumque modo Haec autem omnia praedicta modo praedicto tam ego quam heredes et assignati mei dictis Religiosis in puram et perpetuam elemosinam ab omni servitio exactione vel demanda warantizabimus defendemus et acquietabimus inperpetuum In cujus rei testimonium huic presenti scripto sigillum meum est appensum Hiis Testibus dominis Johanne de Huldestona Alano de Peniton Alano de Cauplande militibus etc Data in Abbatia Furnes die S Bernabae Apostoli A D m cc nonagesimo tertio

Source Fulltext: The Coucher Book of Furness Abbey. J. C. Atkinson. Remains, Historical and Literary, Connected with the Palatine Counties of Lancaster and Chester, New Series V.9. Chetham Society. Manchester. 1886.