Sciant presentes et futuri quod ego Johannes le Long de Brenion dedi et concessi et hac presenti carta mea confirmavi Willelmo le Symple de Lambeson pro homagio et seruicio suo vnam placeam in Paruo Mercato illam scilicet que est propinquior cruci que stat iuxta viam regalem que tendit ad montem sancti Michaelis cum omnibus edificiis et pertinenciis sicuti ea prius tenuit habend eandem placeam eidem Willelmo et heredibus suis et assignatis et tenend de me et heredibus meis vel assignatis libere et quiete in feodo et hereditate in perpetuum Reddendo inde annuatim mihi vel heredibus meis aut assignatis duo decim denarios in festo sancti Michaelis pro omni seruicio Ego vero et heredes mei et assignati tenemur predictam placeam cum edificiis et pertinenciis predicto Willelmo et heredibus suis et assignatis per predictum seruicium contra omnes gentes warantizare acquietare et defendere in perpetuum In cuius rei testimonium presenti carte sigilli me inpressionem apposui Hiis testibus Rogero de Sonli[nor] Alano le Seriaunt Johanne Sydelay Roberto de Fonte Henrico clerico et aliis Datum in festo sancti Michaelis in Monte Tumba apud Paruum Forum anno regni regis Edwardi quintodecimo

Source Fulltext: Cartulary of St. Michael's Mount. P. L. Hull. Devon and Cornwall Record Society, New Series, V.5. Devon and Cornwall Record Society. Devonshire Press. Torquay. 1962.