Pateat vniuersis per presentes quod ego Rogerus dominus de Hiligi pro me et heredibus meis et assignatis remisi et omnino quietum clamavi fratri Galfrido de Seruen priori montis sancti Michaelis in Cornubia et suis successoribus totum ius meum quod habui vel habere potui aut habere me dicebam in sex denariis annualis redditus quod versus eundem priorem pro cursu et affirmacione cuiusdam aque curentis inter terras de Caermur Hiligi et Tregei calumpniaui Nichil iuris mihi nec heredibus meis nec assignatis in predictis sex denariis decetero retinendum calumpniandum nec in posterum vendicandum exceptis sex denariis contentis in quadam litera inter Randulfum de Viel et Martinum de Hiligi indentata Preterea concessi pro me et heredibus meis et assignatis predicto Galfrido et suis successoribus affirmare bedum suum vbicumque melius sibi viderit expedire per totam terram meam de Hiligi et Tregene et diuertere aquam ad molendinum suum de ponte si necesse fuerit et refulum facere et bedum suum de predicto molendino sustinere per totam terram meam predictam sine inpedimento et contradiccione mei vel heredum meorum aut assignatorum inperpetuum In cuius rei testimonium presenti scripto sigillum meum apposui Hiis testibus Guruaso de Brae Michaele le Tas Helstone Randulfo de Bossorn et aliis Datum apud Helstonie die martis in vigilia sancti Clementis pape anno domini mcc nonagesimo quinto

Source Fulltext: Cartulary of St. Michael's Mount. P. L. Hull. Devon and Cornwall Record Society, New Series, V.5. Devon and Cornwall Record Society. Devonshire Press. Torquay. 1962.