Sciant presentes et futuri quod ego Radulfus filius et heres Willelmi le Symple dedi et concessi et hac presenti carta mea confirmaui pro me heredibus meis et assignatis meis Reginaldo de la Medesole heredibus et assignatis suis vnam domum cum placeis dicto domui pertinentibus prope eandem domum sitis in villa de Marghasyon iuxta montem sancti Michaelis in Cornubia tenend et habend predicto Reginaldo heredibus suis et assignatis suis libere quiete integre et pacifice iure hereditario inperpetuum reddendo inde annuatim ipse et heredes sui aut assignati sui redditum inde debitum et consuetum capitalibus dominis eiusdem tenementi Pro hac autem donacione tradicione et confirmacione habend dedit mihi predictus Reginaldus centum solidos sterlingorum premanibus Et ego dictus Radulfus et heredes mei aut assignati tenemur predictam domum cum pertinenciis predicto Reginaldo et heredibus suis et assignatis suis contra omnes homines et feminas warantizare tensare et defendere in perpetuum In cuius rei testimonium huic carte sigillum meum apposui Hiis testibus Johanne de Treiagu Hugone le Gros Odone de Terres Galfrido de Genelli Waltero le Gros et aliis Datum apud Tikembret die sabbati in festo sancti Petri quod dicitur ad uincula anno regni regis Edwardi vicesimo primo

Source Fulltext: Cartulary of St. Michael's Mount. P. L. Hull. Devon and Cornwall Record Society, New Series, V.5. Devon and Cornwall Record Society. Devonshire Press. Torquay. 1962.