Sciant presentes et futuri quod ego Willelmus filius Iohannis fabri de Pritwell dedi et concessi et hac presenti carta mea confirmavi Roberto de Fastrad[] totam terram illam quam Ricardus faber adquisivit et Iohannes pater meus tenuit in magna Sutton[] videlicet illam terram que vocatur Turekhallond[] cum sepibus et fossatis et cum omnibus pertinentiis et iacet in parte australi [] versus occidentem et extendit se in longum a vico regio versus orientem usque ad dominium habendam et tenendam de me et heredibus meis sibi et heredibus suis vel cuicumque voluerint illam dare vendere legare vel aliquo modo assignare pro homagio et servicio suo libere et quiete et hereditarie imperpetuum reddendo inde annuatim michi et heredibus meis unum denarium in festo nativitatis sancti Iohannis Baptiste et domino capitali illius feodi quadraginta et sex denarios per annum scilicet in festo sancti Michaelis viginti tres denarios et in Pascha viginti et tres denarios pro omnibus rebus et secularibus demandis Et ego Willelmus filius Iohannis fabri et heredes mei warantizabimus totam terram prefatam cum suis pertinentiis predicto Roberto de Fastrad[] et heredibus suis per predictum liberum servicium contra omnes homines et feminas Pro [hac] vero donacione et huius carte mee confirmacione et mei et meorum heredum warantizacione Robertus dedit michi viginti solidos sterlingorum Ut autem hec mea donacio et confirmacio sit rata et stabilis hoc scriptum mei sigilli munimine corroboravi Hiis testibus domino Thoma de Plumberge domino Iohanne de B[r]etton[] domino Iohanne de Appetun[] militibus Willelmo filio Baldwini Simone Perdriz Godefrido de Sopilande Reginaldo de Sopilande Roberto de Hockle Mauricio filio eius Willelmo clerico et aliis multis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.