Gilbertus Dei gratia London[iensis] episcopus dilectis in Domino filiis archidiaconis decanis et omnibus aliis qui in episcopatu London[iensi] consistunt ecclesiarum prelatis salutem gratiam et benedictionem Perlatas ad nos viri nobilis et dilecti filii nostri Walteri filii Roberti cartas ipsius inpressas sigillo conspeximus quibus se ecclesiam de Burneham cum omnibus pertinentiis suis et ecclesiam de Wudeham cum omnibus que ad eandem pertinent Deo et sancto Iohanni Baptiste et sancto hospitali Ierusalem fratribusque in dicto hospitale servientibus pro salute sua et heredum et omnium parentum suorum in perpetuam elemosinam concessisse testatur quam nimirum donacionem tum quia dantis saluti plurimum ut credimus profutura est tum quia fratrum predictorum in quos collata est donacio ad omnes qui ob adeundum sepulcrum Dominicum maris et terrarum se periculis exponunt karitas late diffusa est approbavimus et ut firmum robur optineat et eorum saluti ob quos facta est inperpetuum valitura proficiat nos easdem ecclesias iamdictis fratribus hospitalis Ierusalem ea que nobis a Domino concessa est auctoritate ipsius in eas personas constituendo concessimus et ut salvo iure London[iensis] ecclesie perpetuum in eisdem personatum optineant ipsas eis tam scripti presentis atestacione quam sigilli nostri apposicione confirmavimus Hiis testibus Radulpho archidiacono Midelsex[ie] Henrico Banastre magistro Henrico de Norhamton[] Gilberto Foliot Rogero filio Mauricii Radulfo de Chiltona Ricardo de Saresbir[ia] et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.