Hec est finalis concordia facta in curia domini regis apud Westmonasterium a die sancti Hillarii in tres septimanas anno regni regis Henrici filii regis Iohannis tricesimo quarto coram Rogero de Thurkelby Iohanne de Gatesden Gilberto de Preston Iohanne de Colbeham Alano de Wassand et Willelmo de Wilton iusticiariis et aliis domini regis fidelibus tunc ibi presentibus inter fratrem Robertum de Manneby priorem hospitalis sancti Iohannis Ierusalem in Anglia querentem et Walterum filium Roberti deforciantem de advocacione ecclesie de Wudeham cum pertinentiis unde placitum finis facti similiter fuit inter eos in eadem curia scilicet quod predictus Walterus recognovit predictam advocacionem predicte ecclesie cum pertinentiis esse ius ipsius prioris et fratrum predicti hospitalis et illam eis reddidit in eadem curia et remisit et quietum clamavit de se et heredibus suis predicto priori et successoribus suis et predictis fratribus inperpetuum et pro hac recognicione reddicione remissione et quieta clamacione fine et concordia idem prior dedit predicto Waltero unum speruarum sorum et sciendum quod finis inde prius inter eos factus per finem istum penitus adnichilatur

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.