Sciant tam presentes quam futuri quod ego Sawinus filius Roberti de Wenyntone concessi remisi et quietum clamavi Gilberto de Marisco et eius heredibus pro me et heredibus meis totum ius quod habui ad quatuor acras terre et dimidiam cum pertinentiis in parochia de Auvilers videlicet illas que iacent inter terram Gervasii de Wenintone et regalem stratam que extendit a domo Gervasii de Wenintone usque ad crucem de Auvilers habendum et tenendum sibi et heredibus suis de Willelmo Lenveise et eius heredibus libere et quiete bene et in pace imperpetuum reddendo inde annuatim dicto Willelmo Lenveyse vel eius heredibus debitum servicium quod dictum tenementum debet eidem Willelmo vel eius heredibus ita quod nec ego vel aliquis heredum meorum de cetero post me contra hanc concessionem remissionem vel quietam clamanciam clamare vel exigere poterimus versus ipsum Gilbertum vel versus heredes suos occasione aliqua Pro hac autem concessione remissione vel quieta clamancia dedit michi idem Gilbertus quatuor marcas argenti Hiis testibus Iohanne filio Baldewini Radulpho de Cancia Gervasio de Wenintone Geraldo clerico Thoma Godrid[] Willelmo monaco Martino de Marisco Willelmo Snellyng[] Ada Iuvene Ada monaco et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.