Sciant presentes et futuri quod ego Gilbertus filius Hervei de Alvithele concessi dedi et hac presenti carta mea confirmavi Thome Bernard[] de Alvithele pro homagio et servicio suo et pro sex marcis argenti quas michi dedit in gersumam totam illam terram integram cum homagiis serviciis consuetudinibus redditibus et cum omnibus allis pertinentiis sine aliquo retenemento quam quidem tenui de Thoma Godrich[] in parochia de Alvithelle habendam et tenendam de me et heredibus meis libere quiete bene in pace in feodo et hereditate illi et heredibus suis vel cuicumque illam dare vendere vel assignare voluerit preterquam viris religiosis et Iudeis reddendo inde annuatim michi et heredibus meis duos solidos argenti scilicet ad Pascha duodecim denarios et ad festum sancti Michaelis duodecim denarios et ad natale Domini duas rationabiles gallinas pro omnibus serviciis consuetudinibus et exaccionibus et ego Gilbertus et heredes mei warantizabimus dicto Thome Bernard[] et heredibus suis vel suis assignatis totam predictam terram cum omnibus predictis pertinentiis suis per predictum servicium contra omnes homines et feminas Et ut hec mea concessio donacio warantizacio et carte mee confirmacio perpetuum robur optineat hoc presens scriptum sigilli mei munimine dignum duxi roborandum Hiis testibus domino Stephano de Langetun[] domino Henrico de Heleweton[] Willelmo le Enveise Ricardo del Fen Hugone le Bret Radulpho Garnet Gervasio de Wenitone Radulpho de Kent Willelmo Wade Ricardo Faukes et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.