Notum sit omnibus presentibus et futuris quod ego Margeria quondam uxor Thome Bernard[] per voluntatem assensum et preceptum Roberti de Bures viri mei concessi remisi et hoc presenti scripto omnino quietum clamavi Roberto de Quercu et Margarete uxori sue et eorum heredibus et assignatis eorum totum ius et clameum quod habui vel de cetero habere possem nomine dotis in tota terra illa cum pertinentiis que vocatur Sharhope in marisco et in parochia de Auvlers que fuit predicti Thome quondam viri mei ita videlicet quod nec ego dicta Margeria nec aliquis pro me vel per me aliquid de cetero in predicta terra cum pertinentiis exigere vendicare vel clamare poterimus nomine dotis imperpetuum Pro hac autem concessione remissione et quieta clamancia dederunt michi dicti Robertus et Margareta octo solidos argenti Et in huius rei testimonium tam dictus Robertus de Bures maritus meus quam ego dicta Margeria huic presenti scripto sigilla nostra apposuimus Hiis testibus Willelmo Lenveyse Hugone le Bret Iohanne le Bret Rogero le Bret Simone comite Galfrido Bernard[] Iohanne le tayillour Iohanne Marcien[] Iohanne Gasewey Gervasio de Kent et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.