Hec est finalis concordia facta in curia domini regis apud Westmonasterium a die sancte Trinitatis in quindecim dies anno regni regis Henrici filii regis Iohannis tricesimo quarto coram Rogero de Thurkelby [roberto de Br[ues]] Iohanne de Cobbeham et Alano de Wassand iusticiariis et aliis domini regis fidelibus tunc ibi presentibus inter Rogerum Eleyne et Aviciam uxorem eius petentes et Willelmum le Enveyse tenentem de tribus acris terre cum pertinentiis in Alvithele unde placitatum fuit inter eos in eadem curia scilicet quod predictus Willelmus recognovit predictam terram cum pertinentiis esse ius ipsorum Rogeri et Avicie Et pro hac recognicione fine et concordia iidem Rogerus et Avicia concesserunt predicto Willelmo predictam terram cum pertinentiis habend et tenend eidem Willelmo et heredibus suis de predictis Rogero et Avicie et heredibus ipsius Avicie imperpetuum reddendo inde per annum viginti septem denarios ad duos terminos scilicet medietatem ad festum sancti Michaelis et alteram medietatem ad Pascha et faciendo inde forinsecum servicium quod ad predictam terram pertinet pro omni servicio secta curie consuetudine et exaccione et predicti Rogerus et Avicia et heredes ipsius Avicie warantizabunt predicto Willelmo et heredibus suis predictam terram cum pertinentiis per predictum servicium contra omnes homines imperpetuum

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.