Patentes regis Edwardi filii regis Henrici de anno tercio decimo Edwardus Rex omnibus ad quos etc salutem Licet de comuni consilio regni nostri providerimus quod non liceat viris religiosis sue aliis ingredi feodum alicuius ita quod ad manum mortuam deveniat sine licencia nostri et capitalis domini de quo res illa immediate tenetur volentes tamen dilectis nobis Willelmo de Chishull[] Iohanni le Envoyse et magistro Elie de Avyillers gratiam facere specialem dedimus eis licenciam quantum in nobis est quod tria mesuagia et duas carucatas terre et dimidiam cum pertinentiis in Auvelers et Wenyntone dare possint et assignare dilecto nobis in Christo fratri Willelmo de Henleye priori hospitalis sancti Iohannis Ierusalem in Anglia et fratribus eiusdem hospitalis tenenda et habenda sibi et succesoribus suis imperpetuum et eisdem priori et fratribus quod mesuagia illa et terram ab eisdem Willelmo de Chishull[] Iohanne et Elia recipere possint tenore presencium similiter licenciam concedimus specialem nolentes quod iidem prior et fratres vel eorum successores seu predicti Willelmus de Chishull[] Iohannes et Elyas racione statuti predicti per nos vel heredes nostros inde occasionentur in aliquo seu graventur salvis tamen capitalibus dominis feodi illius serviciis inde debitis et consuetis In cuius rei etc Teste rege apud Westmonasterium vicesimo die maii

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.