Extenta terrarum et tenementorum que fratres milicie Templi in Anglia habuerunt apud Berewyk ad festum natalis Domini proximum preteritum ibidem facta die martis proximo post festum sancti Valentini anno regni regis Edwardi filii regis Edwardi primo per sacramentum Osberti Giffard Simonis de Warbelton Elie clerici Iohannis Osberin Simonis Iohan Iohannis Lynet Iocei Wolny Ricardi de Seles Galfridi ate Welle Gilberti Copedragh Willelmi Colkyn et Thome de Sherington qui dicunt quod fratres predicti habuerunt ibidem quadraginta solidos de certo redditu per annum de tenentibus de antiquo dominico domini regis item habuerunt ibidem de redditu gallorum et gallinarum per annum ad valenciam viginti trium denariorum item placita et perquisicie curie valet per annum quinque solidos Summa totius quadraginta sex solidi et undecim denarii Item dicunt quod Walterus filius Godefridi dedit predictis fratribus et successoribus suis predictum redditum cum pertinentiis in feodo et perpetuam elemosinam tenendum de domino rege Item dicunt quod predicti fratres nullum habuerunt ibidem beneficium ecclesiasticum in proprios usus ad terminum vel alio modo Item dicunt quod nulla elemosina cantarie sustentacio diurnale nec aliquod certum per annum ad terminum vite vel annorum vel alio modo sustentare fieri solebant nec invenire tenebantur Item dicunt quod predicti redditus cum suis pertinentiis nunc sunt in manu domini regis In cuius rei testimonium predicti iuratores presenti extente sigilla sua apposuerunt Data apud Berewik die et anno supradictis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.