Sciant presentes et futuri quod ego Henricus Helys de Westthurroke dedi concessi et hac presenti carta mea confirmavi pro salute anime mee antecessorum et successorum meorum Deo et beate Marie magistro et fratribus milicie Templi in Anglia in liberam puram et perpetuam elemosinam unam acram prati cum pertinentiis suis illam scilicet acram sicut iacet totaliter in longitudine et latitudine in Farendonemede in parochia de Westthurroke inter pratum dictorum magistri et fratrum de London[io] quod habent de dono Edmundi Columbers ex una parte et pratum quod fuit Edmundi Ioce et Cecilie matris eius ex altera habendam et tenendam dictis magistro et fratribus et eorum omnibus successoribus libere quiete integre bene et in pace in liberam puram et perpetuam elemosinam sicut aliqua elemosina melius et liberius dari poterit vel teneri et ego Henricus Helys prenominatus et heredes mei totam predictam acram prati cum omnimodis pertinentiis suis predictis magistro et fratribus et eorum omnibus successoribus contra omnes homines et feminas warantizabimus et ubique acquietabimus et in omnibus defendemus imperpetuum In cuius rei testimonium presenti scripto sigillum meum apposui Hiis testibus domino Bartholomeo de Briaunthon[] Henrico de sancto Victore Iohanne de Moland[] Iohanne Helys Iohanne le taillour Iohanne de le Colverhuse Edmundo Bighun Ricardo Brunyng Radulpho de Boughton[] presencium scriptore et aliis multis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.