Extenta facta apud Pourteflet de terris et tenementis prioris et fratrum hospitalis sancti Iohannis Ierusalem ibidem die martis proxima post festum sancti Mathei apostoli anno regni regis Edwardi filii regis Edwardi decimo octavo coram fratre Thoma de Wakintone et Willelmo in the Hale et Benedicto de Ditton[] et aliis per Adam Harmar[] Iohannem vinet[er] Radulpho atte Helle Iohanne godegrome Iohanne fabro Iohanne Iames Radulpho frere Thoma molend[ario] Iohanne le taillour Ricardo Iames Galfrido Templer qui dicunt sunt ibidem quatuor acre terre cum placea mesuagii et valent per annum duos solidos et tenentur de domino de Briaunzoun pro quibus debentur dicto domino et pro sito unius molendini aquatici et pro quadam via a dicto molendino usque ad pontem de Stifford[] et pro tribus acris pasture in Melnehope centum solidos annui redditus ad Pascha et ad festum sancti Michaelis equis porcionibus et valent predicte tres acre per annum quatuor solidos et sex denarios sunt eciam ibidem 2 hepelli fanni et valent per annum sex solidos et tenentur in pura et perpetua elemosina sunt eciam ibidem apud Petmannisdone novem acre terre de quibus quinque acre valent per annum quinque solidos et quatuor acre valent sexdecim denarios per annum sunt eciam ibidem de terris quondam vineti triginta due acre quarum duodecim acre valent per annum quatuor solidos et viginti acre valent per annum decem solidos sunt eciam ibidem septem acre marisci quondam vineti et valent per annum decem solidos et sex denarios et tenentur de Iohanne vinet[er] per servicia sex solidorum sex denariorum per annum ad natale Domini ad Pascha et ad festum sancti Michaelis per equales porciones sunt eciam ibidem due acre pasture apud la Breche et valent per annum duos solidos et tenentur de domino per servicia contenta in predictis centum solidis sunt eciam ibidem in Ferdonemade due acre et dimidia prati et valent per annum tres solidos et novem denarios sunt eciam ibidem due acre et dimidia pasture in quodam hopello vocato Pygoiunhope et valent per annum tres solidos novem denarios et tenentur in pura et perpetua elemosina sunt eciam ibidem de redditu assise per annum [] et dicunt quod dominus de Briaunzoun molabit pre omnibus aliis et quod omnes custumarii domini de Briaunzoun et servientes eiusdem molabunt ad dictum molendinum de consuetudine et quod dicti custumarii fossabunt et mundabunt fossatum molendini ad cibum prioris et fratrum hospitalis predicti et dicunt quod dominus nullo loco distringet pro redditu suo aretro existente nisi tantummodo ferro molarum quod vocatur ryne

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.