Omnibus sancte matris ecclesie etc Rosya quondam uxor Elie mareschalli domina de parva Brokesheved salutem Noverit universitas vestra me concessisse dedisse et presenti carta mea confirmasse Deo et sancte Marie et sancto Iohanni Baptiste et fratribus sancti hospitalis Ierusalem pro salute anime mee et antecessorum et successorum meorum redditum quatuor denariorum provenientem de una acra terre cum pertinentiis quam Edwardus Munpergile de parva Brokesheved michi reddere consuevit que iacet in campo qui vocatur Rokelo de Redingge iuxta regale cheminum in longitudine et terram G le ropere ex alia parte et abuttat super venellam que iacet versus dominium R[oberti] Cobbe versus occidentem et ad aliud versus orientem super terram domini de parva Brokesheved cum omnibus escaetis ad dictam terram pertinentibus sine ullo retenemento michi vel heredibus meis in liberam puram et perpetuam elemosinam sicut aliqua elemosina melius et liberius dari potest preter [quam] domui religionis Et ego predicta Rosia et heredes mei warantizabimus predictum redditum cum omnibus escaetis ad dictam terram pertinentibus predicte domui sancti hospitalis Ierusalem et fratribus eiusdem domus contra omnes homines et feminas imperpetuum Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.