Omnibus sancte matris ecclesie etc Lucas filius Simonis de parva Brokesheved salutem in Domino Noveritis me divine pietatis intuitu dedisse concessisse et hac presenti carta mea confirmasse Deo et beate Marie et beato Iohanni Baptiste domino priori in Anglia et fratribus hospitalis Ierusalem et eorum fratribus apud Chaur[iam] commorantibus in puram et perpetuam elemosinam quoddam cheminum cum omnibus suis pertinentiis quod habui in parva Brokesheved iacentem in campo qui vocatur Brodecroft et extendit se a domo que quondam fuit Ricardi Ailbern[] et descendit versus rivulum qui currit sub prato Godefridi le peyin[tur] in longitudine et latitudine sicut in omnibus illud habui et tenui quando terram meam a dominis meis suscepi salva michi fugacione de meis averiis et cum carucis et carectis per predictum cheminum sicut Henricus fisher fugare solebat habendum et tenendum dicto priori suis fratribus et eorum successoribus predictum cheminum bene in pace imperpetuum sicut prenotatum est Ego vero predictus Lucas et heredes mei warantizabimus et defendemus predictum cheminum prefato priori suisque fratribus sicut nostram puram et perpetuam elemosinam contra omnes gentes imperpetuum In cuius rei testimonium etc Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.