Sciant presentes etc quod ego Willelmus de Waletu[ne] dedi concessi et hac presenti carta mea confirmavi Roberto filio Henrici de la Fenne pro homagio et servicio suo 5 acras terre in Wyldegatefelde que scilicet terra iacet inter terram meam et terram quam Galfridus de Pincheware tenuit cum omnibus pertinentiis et libertatibus suis ad tantam terram de eodem feodo spectantibus habendas et tenendas sibi et heredibus suis de me et heredibus meis libere quiete inperpetuum et hereditarie reddendo inde annuatim ad festum sancti Michaelis michi et heredibus meis 10 d ad natale Domini unum par cirothecarum albarum et ad Pascha Domini 10 d pro omnibus serviciis et consuetudinibus et exaccionibus salvo servicio forinseco quantum pertinet ad tantam terram de eodem feodo Et ego Willelmus et heredes mei predictam terram cum pertinentiis predicto Roberto et heredibus suis contra omnes homines et feminas warantizabimus imperpetuum Pro hac autem donacione et presentis carte [mee] confirmacione dedit michi predictus Robertus 3 marcas argenti et dimidiam in gersumam Et ut hec mea donacio et concessio et carte mee confirmacio inposterum permaneat inconcussa presentem cartam sigilli mei impressione roboravi Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.