Sciant presentes etc Galfridus filius Galfridi de Amberdene salutem in Domino Noverit universitas vestra me concessisse et hac presenti carta mea confirmasse Deo et beate Marie et hospitali sancti Iohannis Ierusalem et domui hospitalis de Chaur[ia] et fratribus ibidem Deo servientibus pro salute anime mee et antecessorum meorum et heredum meorum in liberam et puram et perpetuam elemosinam sex acras terre mee cum pertinentiis suis in villa de Amberdene que iacent iuxta cheminum quo itur a domo Roberti hoppere usque ad domum meam et abuttant ad unum capud super mesuagium dicti Roberti et [ad aliud capud super mesuagium] Roberti Deretorn[] cum tota terra quam tenuit de me in villa de Widinton[] et cum toto servicio quod michi facere consuevit habendas et tenendas de me et heredibus meis sibi et successoribus suis libere et quiete ab omnibus secularibus serviciis consuetudinibus et demandis ita libere et quiete et pure sicut purius et liberius elemosina potest conferri vel recipi Et ego Galfridus filius Galfridi predicti et heredes mei warantizabimus predictis fratribus et eorum successoribus prenominatum donum patris mei cum omnibus pertinentiis suis sicut liberam et puram et perpetuam elemosinam nostram contra omnes homines et feminas et nominatim contra novercam meam Ista vero concessio et confirmacio facta fuit in vigilia omnium sanctorum proxima sequenti post mortem Galfridi patris mei Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.