Omnibus Christi fidelibus etc Walterus de Maneir salutem in Domino sempiternam Noveritis me dedisse concessisse et presenti scripto confirmasse Deo et beate Marie et fratribus hospitalis Ierusalem pro salute anime mee et antecessorum et successorum meorum in liberam puram et perpetuam elemosinam duas acras terre mee in villa de Henham iacentes in campo meo sub mesuagio meo propinquiores sepi que est inter sepem mesuagii mei et terram Ricardi Wlmar[] et continent in longitudine quadraginta perticas [et in latitudine octo perticas] cum omnibus pertinentiis et cum uno fossato de latitudine quinque pedum quod fossatum non numeratur infra latitudinem predictarum 8 perticarum habendas et tenendas dictis fratribus de me et heredibus meis bene et in pace ita libere et pure sicut aliqua elemosina liberius et purius ab aliquo potest dari vel ab aliquo recipi Ego vero Walterus et heredes mei warantizabimus predictum tenementum cum pertinentiis predictis fratribus sicut nostram liberam puram et perpetuam elemosinam contra omnes homines et feminas Et ut hec mea donacio et concessio et carte mee confirmacio et warantizacio rate et stabiles inperpetuum perseverent presenti scripto sigillum meum apposui Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.