Omnibus Christi fidelibus etc Henricus filius Albrici de Nostrefeld[] salutem in Domino sempiternam Noverit universitas vestra me divine pietatis intuitu dedisse et concessisse et presenti scripto confirmasse Deo et beate Marie et fratribus hospitalis sancti Iohannis Ierusalem pro salute anime mee et antecessorum et successorum meorum in liberam puram et perpetuam elemosinam unum mesuagium cum pertinentiis in villa de Berdefelde magna que iacet inter mesuagium Radulfi de Stanford[] et mesuagium Walteri Colbeyn habendum et tenendum de me et heredibus meis dictis fratribus et eorum successoribus vel eorum assignatis bene et in pace ita libere et pure sicut aliqua elemosina liberius et purius ab aliquo potest dari vel ab aliquo recipi Ego vero Henricus et heredes mei warantizabimus predictis fratribus et eorum successoribus vel eorum assignatis prenominatum mesuagium cum pertinentiis et illud ab omni seculari servicio sicut nostram liberam puram et perpetuam elemosinam contra omnes homines defendemus In huius autem rei robur et testimonium presenti scripto sigillum meum apposui Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.