Notum sit omnibus tam presentibus quam futuris ad quos presens scriptum pervenerit quod ego Gilbertus de Montefichet pro anima patris et matris mee et omnium antecessorum et pro salute anime mee et heredum et omnium successorum meorum dedi et concessi Deo et beate [Marie] et sancto Iohanni Baptiste et beatis pauperibus sancte domus hospitalis Ierusalem et fratribus in eadem domo Deo servientibus in liberam puram et perpetuam elemosinam medietatem manerii de Ginghes cum omnibus ad eandem medietatem pertinentibus in bosco et plano et pratis et pasturis et homagiis et virgultis et vivariis et viis et semitis et terris cultis et non cultis et in omnibus aliis aisiamentis et libertatibus excepto forinseco bosco quod dicitur Westfrid[] quod michi et heredibus meis retinui Quare volo et firmiter precipio quod predicti fratres prefatum tenementum habeant et teneant inperpetuum liberum solutum et quietum ab omni seculari servicio et consuetudine et exaccione ad me vel ad heredes meos pertinentibus Et ut mea donacio firmiter et stabilis inperpetuum permaneat eam presentis scripti testimonio et sigilli mei apposicione corroborare curavi Hiis testibus Rogero Crispino Helya de Catesbiry magistro Willelmo de Tounnebrige Ricardo de Amblia Eustacio de Barenton[] Roberto filio Huberti Ricardo de Barenton[] Geffrey Grosso

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.