Gillebertus Dei gratia London[iensis] episcopus omnibus etc Ad universitatis vestre volumus devenire noticiam cartas nobilis viri Willelmi comitis de Ferariis per dilectum filium nostrum Radulfum de Diva priorem fratrum hospitalis Ierusalem in Anglia nobis fuisse presentatas ex quarum inspectione manifeste cognovimus memoratum comitem de Ferariis divine pietatis intuitu et pro sua suorumque salute Deo et beate Marie sancto Iohanni Baptiste et fratribus hospitalis Ierusalem in Anglia ecclesias de Turrok et de Stebbyng cum omnibus ad eas pertinentibus simul cum omni iure quod in eis habuerat in puram et perpetuam elemosinam contulisse Cuius nos attendentes devocionem et factam donacionem approbantes supradictas ecclesias de Turrok[] et Stebbynge cum omni integritate iuris quod in eis prescriptus comes habuerat sicut ipsius carte testantur supradictis fratribus hospitalis Ierusalem auctoritate qua fungimur episcopali concedimus et ut hec eis facta donacio inperpetuum robur optineat litterarum nostrarum testimonio sigilli nostri munimine ipsis eam confirmavimus Hiis testibus Ricardo magistro scolarum London[ie] etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.