Viris venerabilibus domino archidiacono de sancto Albano et magistro Petro de Rodonorie[] canonico Lychefelden[sis] magister Iohannes de Offinton[] domini pape capellanus salutem in Domino Mandatum domini pape recepimus in hec verba Innocencius episcopus servus servorum Dei dilecto filio magistro Iohanni de Offinton[] capellano nostro in Anglia commoranti salutem et apostolicam benedictionem Cum sicut dilecti filii prior et fratres hospitalis Ierusalem in Anglia nobis exponere curaverint eis duximus indulgendis ut ecclesiam de Stebbynge London[iensis] diocesis in qua ius ipsi optineant patronatus quam cito eam vacare contigerit in proprios usus valeant retinere dummodo ipsius proventus ecclesie valenciam 35 marcarum argenti annis singulis non excedant diocesani episcopi iure salvo discrecioni tue per apostolica scripta mandamus quatenus si est ita predictos priorem et fratres in possessionem prefate ecclesie cum vacaverit inducere auctoritate nostra procures Contradictores per censuram ecclesiasticam appellacione postposita conparescendo Datum Lugdon[i] X kalendas septembris pont[ificatus] nostri anno quinto In huius ergo execucione mandati vices nostras vobis committimus potestate nobis reservata idem mandatum personaliter exequendi si forte eodem non de mandato execucioni contingat nos ad partes anglicanas remeare quod si ambo hiis exequendis potueritis interesse alter nostrum ea nichilominus exequatur Datam London[ii] IX kalendas septembris anno prenotato

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.