Matildis Dei gratia regina Anglorum archiepiscopis episcopis abbatibus comitibus baronibus iustic[iariis] vicecomitibus et omnibus fidelibus suis tocius Anglie salutem Sciatis me dedisse et concessisse in puram et perpetuam elemosinam Deo et beate Marie et fratribus milicie Templi Salomonis de Ierusalem pro anima patris mei comitis Eustachii et pro salute anime mee et omnium antecessorum et successorum meorum totum manerium de Cressyng cum ecclesia eiusdem ville et omnibus ecclesie pertinentibus Quare volo et firmiter precipio quod habeant teneant et possideant illud manerium meum predicti fratres bene et in pace libere et quiete ab omnibus secularibus serviciis consuetudinibus et exaccionibus in bosco et plano in pratis et in pastura in semitis et in viis in aquis et extra aquas in molendinis et divisis et in omnibus locis et rebus cum soca et saca et tholl et them et infangentheof et in omnibus consuetudinibus et libertatibus manerio illi adiacentibus Et ut hec mea donacio et concessio firma et inconcussa predictis fratribus Milicie Templi Salomonis in sempiternum perseveret a Deo michi collata potestate illam confirmo et sigilli mei inpressione et subscriptorum subnotacione consigno Hiis testibus Iohanne episcopo Lux[oviensi] et Quduno Ebroic[ensi] et Iohanne Sagiensi et Radulpho cancellario meo et Willelmo monacho dapifero et Thuberto camerario Ostone de Bolon[ia] apud Ebroicas anno incarnacionis Domini millesimo centesimo tricesimo sexto Stephani vero viri meo anno secundo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.