Rex omnibus ad quos etc salutem Licet per recordum dilectorum et fidelium nostrorum Rogeri Extranei et sociorum suorum iusticiariorum nostrorum ultimo itinerancium ad placita foreste in comitatu Essex acceperimus quod [boscus] dilectorum nobis in Christo magistri et fratrum milicie Templi in Anglia de Cressynge qui vocatur Stablerswode vastus fuerit de novo per vendicionem quam frater Robertus de Turvill nuper magister predicte milicie fecit in eodem bosco per quod boscus ille captus fuit in manum nostram et quod postea compertum fuerit per rotulos Rogeri de Clifford et sociorum suorum iusticiariorum nostrorum dudum itinerancium ad placita foreste in comitatu predicto quod idem boscus et similiter boscus eorundem magistri et fratrum de Kyngeswode capti fuerint in manum regis pro novis vastis et non infra annum et diem post predictum iter eiusdem Rogeri de Clyfford et sociorum suorum predictorum redempti per quod consideratum fuit quod bosci illi remanerent in dominico nostro secundum assisam foreste Nos tamen prefatis magistro et fratribus gratiam facere volentes in hac parte concessimus et reddidimus eis pro nobis et heredibus boscos predictos habend et tenend eis et successoribus suis in perpetuum prout boscus ille ante capcionem eorundem in manum nostram habuerunt et tenerunt ita tamen quod bosci illi qui prius extra regardum foreste fuerint de cetero remaneant infra regardum foreste nostre predicte in perpetuum In cuius rei etc Testibus rex apud Westm[onasterium] octavo die decembris Patentes regis e[dwardi] filii regis h[enrici] de anno vicesimo secundo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.