Sciant presentes et futuri quod ego Simon Cosyn de Hauekeshall[] dedi concessi et hac presenti carta mea confirmavi Petro filio Willelmi de Topesfeld pro homagio et servicio [suo] et pro quadam summa pecunie quam michi dedit in gersumam tres acras terre mee cum omnibus pertinentiis suis in villa de Topesfeld[] iacentes in crofta que vocatur Myddelcroft inter terram quondam domini Radulphi de Cammeis ex una parte et terram Iohannis de Nevill[] ex altera parte et abuttant ad unum capud ad terram [...] et ad aliud capud ad terram Willelmi Cosyn habendas et tenendas de me et heredibus meis vel assignatis meis sibi et heredibus suis vel assignatis suis et cuicumque vel quibuscumque predictam terram cum omnibus pertinentiis suis dare vendere vel aliquo modo assignare voluerit libere quiete bene et in pace integre et hereditarie reddendo inde annuatim michi et heredibus meis vel meis assignatis ille et heredes sui vel sui assignati unum clavum gariofili ad Pascha pro omnibus serviciis consuetudinibus sectis curiarum et omnibus secularibus demandis salvo servicio domini regis scilicet ad scutagium quando evenerit tantum quantum pertinet ad tantam terram eiusdem feodi Et ego predictus Simon et heredes mei warantizabimus defendemus et acquietabimus totam predictam terram cum omnibus pertinentiis suis predicto Petro et heredibus suis vel assignatis suis per predictum servicium contra omnes gentes in perpetuum In cuius rei testimonium presenti scripto sigillum meum apposui Hiis testibus Ricardo Walram Willelmo filio Galfridi Roberto Buscarll[] Willelmo Cosyn Willelmo de Albyngworthe et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.