Sciant presentes et futuri quod ego Martinus Fivien dedi concessi et hac presenti carta mea confirmavi Petro filio Willelmi de Thopesfeld[] pro homagio et servicio suo et pro quadam summa pecunie quam michi dedit in gersumam tres acras terre mee cum suis pertinentiis in villa de Thopesfeld[] iacentes in campo qui vocatur Wenyngeworthe[] inter terram meam ex una parte et terram Gilberti Herberd[] ex altera parte et abuttat ad unum capud super cheminum quod Gerardus carpentarius habet cariandi et caciandi ad terram suam et ad aliud capud ad terram que vocatur Horsecroft habendas et tenendas de me et heredibus meis vel assignatis meis predicto Petro et heredibus suis vel assignatis suis vel cuicumque predictam terram cum omnibus suis pertinentiis dare vendere vel aliquo modo assignare voluerit libere quiete bene in pace integre et hereditarie reddendo inde annuatim michi et heredibus meis vel assignatis meis unum clavum giloffre ad Pascha pro omnibus serviciis consuetudinibus sectis curiarum et omnibus secularibus demandis Et ego predictus Martinus et heredes mei warantizabimus defendemus et acquietabimus totam predictam terram cum omnibus pertinentiis suis dicto Petro et heredibus suis vel assignatis suis per predictum servicium contra omnes gentes in perpetuum In cuius rei testimonium presenti scripto sigillum meum apposui Hiis testibus Olivero hose Nicholao filio Willelmi Roberto buscarl Iohanne Olivero Willelmo Cusyn et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.