Sciant presentes et futuri quod ego Rogerus de Boteney dedi concessi et hac presenti carta mea confirmavi Willelmo filio Petri de Topesfeld et Iohanne uxori eiusdem duas acras et unam rodam terre arabiles cum omnibus pertinentiis suis iacentes inter terram meam et terram predicti Willelmi et abuttat ad unum capud super stratam ducentem de Boteney versus Haukesale et aliud capud super pasturam meam habend et tenend dictam terram cum sepibus et fossatis excepto sepe iacente inter terram et pasturam de capitalibus dominis feodi predictis Willelmo et Iohanne et eorum heredibus et assignatis et cuicumque et quandocumque dare vendere vel assignare voluerint libere quiete bene et in pace in feodo et hereditate reddendo inde annuatim capitalibus dominis feodi totum servicium inde debitum et consuetum Et ego predictus Rogerus et heredes mei warantizabimus totam predictam terram sicut includitur cum sepibus et fossatis et cum omnibus pertinentiis predictis Willelmo et Iohanne et eorum heredibus contra omnes gentes in perpetuum In cuius rei testimonium huic presenti carte sigillum meum apposui Hiis testibus Willelmo filio Iohannis Nicholao filio Willelmi Iohanne hose Iohanne filio Nicholai Willelmo Olyvero Iohanne Olyvero Willelmo clerico et multis aliis Datum apud Topesfeld in vigilia sancti Laurencii anno regni regis Edwardi tricesimo primo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.