Sciant presentes et futuri quod ego Petrus filius Ricardi de Halsted[] concessi et dedi et hac presenti carta mea confirmavi Simoni de Oddewell[] vel cui dare legare vel assignare voluerit et heredibus eorum totum homagium heredum Alexandri de Haweswode cum toto tenemento et redditu et dominio et aliis omnibus pertinentiis quod de me tenuit in villa de Heingham sine aliquo retento habendum et tenendum illi et cui dare assignare voluerit vel legare et heredibus eorum libere et quiete hereditarie bene et in pace reddendo inde annuatim michi et heredibus meis quando scutagium evenerit ad viginti solidos octo denarios et ad sursisum comitatus duos denarios pro omnibus serviciis consuetudinibus et demandis Pro hac concessione donacione et presentis carte mee confirmacione dedit michi predictus Simon duas marcas argenti et devenit homo meus Et ego Petrus et heredes mei warantizabimus predicto Simoni et quibus dare legare vel assignare voluerit et heredibus eorum predictum tenementum cum redditu et homagio et dominio et cum omnibus aliis pertinentiis suis sine aliquo retento contra omnes homines et feminas Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.