Noverit universi presens scriptum visuri vel audituri quod ego Rogerus de Bailull[] de Bumsted[] relaxavi et quietum clamavi Willelmo filio Philippi filii Willelmi de Hatfeld quatuor solidos argenti annui redditus de septem solidis annui redditus quos idem Willelmus annuatim michi solvere solebat ad duos terminos scilicet ad Pascha et ad festum sancti Michaelis quos quidem quatuor solidos ego do et concedo eidem Willelmo predicto cum Philippa filia mea in liberum maritagium tenendos et habendos sibi et heredibus suis de predicta Philippa filia mea exeuntibus vel cuicumque vel quibuscumque dictum redditum dare vendere vel assignare voluerint exceptis domibus religionis et Iudaismo de me et heredibus meis libere quiete bene et in pace hereditarie in perpetuum Si vero dicta Philippa filia mea sine herede de se procreato in fata decesserit volo quod quatuor solidi annui redditus predicti michi et heredibus meis quiete revertantur sine contradiccione iam dicti Willelmi et suorum Et ego Rogerus de Bailull et heredes mei warantizabimus defendemus et acquietabimus dictos quatuor solidos annui redditus prefati predictis Willelmo filio Philippi et Philippe uxori sue et eorum heredibus vel assignatis suis ut predictum est contra omnes homines et feminas In cuius rei testimonium huic scripto sigillum meum apposui Hiis testibus Alexandro de Benfleth[] Iohanne de Borham Thoma de Gatesle Roberto de Tywing[] Roberto de Berefeld[] Iohanne de Cardevile Alexandro clerico Iohanne le lorimer Roberto Mapele Ricardo Perigate et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.