Omnibus Christi fidelibus ad quos presens scriptum pervenerit frater Willelmus de Tothale fratrum hospitalis sancti Iohannis Ierusalem humilis prior in Anglia et fratres salutem in Domino sempiternam Noveritis nos unanimi assensu et voluntate concessisse et hac presenti carta nostra confirmasse Iohanni le Frere de Fynchyngefeld unum mesuagium cum curtilagio et pertinentiis suis in eadem villa quod quidem mesuagium cum curtilagio et suis pertinentiis Beatrix Schryve quondam de nobis tenuit in eadem villa et extendit se in longitudine de terra Roberti Pace usque ad regalem viam que ducit de Fynchyngefeld versus Berdefeld et in latitudine inter terram dicti Roberti Pace ex una parte et terram Ricardi Hornwod ex altera habend et tenend de nobis et successoribus nostris dicto Iohanni le Frere et heredibus suis libere quiete bene et in pace reddendo inde annuatim nobis et successoribus nostris 18 d ad duos anni terminos videlicet ad Pascha 9 d et ad festum sancti Michaelis 9 d pro omnibus serviciis sectis curiarum consuetudinibus et secularibus demandis salvo nobis et successoribus nostris visu franciplegii cum his que ad visum pertinent Nos vero et successores nostri predictum mesuagium cum curtilagio et suis pertinentiis predicto Iohanni et heredibus suis contra omnes gentes warantizabimus quamdiu per cartam donatorum nostrorum inde warantizare poterimus Ita tamen quod predictus Iohannes et heredes sui in obitu suo et cuiuslibet heredum suorum nomine tercie partis bonorum suorum quatuor solidos sterlingorum domui nostre de Mapeltrestede sine contradictione aliqua persolvent In cuius rei testimonium partem istius carte in modum cyrografi confecte penes dictum Iohannem residentem sigillo communi una cum nostro fecimus roboravi relique vero parti penes nos residenti dictus Iohannes sigillum suum apposuit Hiis testibus fratre Nicholao Daccombe fratre Rogero de Somerdeby fratre Rogero Maulovel fratre Adam de Witham fratre Humfrido de Witham fratre Alexandro de Mycham tunc magistro de Mapeltrestede Iohanne Huraunt et aliis Datum in celebracione capituli nostri apud Melcheb[ur]ne die dominica in festo apostolorum Simonis et Iude anno incarnacionis Dominice millesimo trecentesimo primo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.