Omnibus Christi fidelibus ad quos presens scriptum pervenerit Adam filius Eve de Lilleston[] salutem in Domino Noverit universitas vestra me pro salute anime mee et omnium antecessorum et successorum meorum dedisse concessisse et hac presenti carta mea confirmasse Deo et beate Marie et fratribus milicie Templi Salomonis quinque solidos et octo denarios annui redditus percipiendos singulis annis de Willelmo de la Mellande de Wokindon[] scilicet ad festum sancti Michaelis duos solidos et decem denarios et ad Pascha duos solidos et decem denarios quos ego Adam a dicto Willelmo percipere solebam ad dictos terminos pro terra quam de me tenuit in villa de Wokyndon[] habendos et tenendos eisdem fratribus in liberam puram et perpetuam elemosinam solutam et quietam ab omni seculari servicio consuetudine et exaccione Et ego dictus Adam et heredes mei totum prefatum redditum sicut prescriptum est predictis fratribus contra omnes gentes in perpetuum warantizabimus et defendemus Et [ut] hec mea donacio concessio et presentis carte mee confirmacio in perpetuum rata et stabilis permaneat presens scriptum sigilli mei inpressione roboravi Hiis testibus Odono aurifabro Stephano de Ykenham Henrico Neket Waltero mariscallo Stephano Crokereslen[] Waltero Walens[] Willelmo de Goldale David clerico et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.