G[ilebertus] dei gratia London[iensis] episcopus omnibus sancte matris ecclesie filiis per episcopatum London[ie] constitutis in Domino salutem Ea que geruntur a nobis ad hoc scripture beneficio commendantur ne longiori tractu temporis aliquatinus memorie subducantur Hinc est quod ad universitatis vestre noticiam presenti volumus devenire scripto Ivonem clericum qui ecclesie de parva Mapeltrestede personatu gaudebat iuri quod in eadem habebat publice coram nobis spontanee renunciasse nosque [ad] peticionem et presentacionem nobilis viri Willelmi [filii] Aldelini dilectis filiis nostris priori et fratribus hospitalis Ierusalimitani ecclesiam ipsam cum omnibus ad eam pertinentibus concessisse et perpetuo dedisse ipsosque eiusdem personas ecclesie pontificali auctoritate salvis nobis et officialibus nostris debitis inde consuetudinibus et serviciis solempniter constituisse quod quia perpetue firmitatis robur inposterum optinere desideramus pagina presenti et nostri atestacione sigilli confirmavimus Testibus Rogero de Wigorn[ia] Roberto Folet Radulfo de Chilton canonicis magistro Waltero de Wutton Iohanne Witteng Thoma Britton et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.