Sciant presentes et futuri quod ego Walterus Luvedai de parva Mapeltrestede dedi et concessi et hac carta mea confirmavi Willelmo coco de eadem villa pro homagio et servicio suo et pro dimidia marca esterlingorum quam michi dedit in gersumam totum illud croftum cum pertinentiis suis quod vocatur Riedpihitell[] habendum et tenendum bene et in pace libere et quiete iure hereditarie de me et heredibus meis sibi et heredibus suis vel cuicumque illud dare vel vendere aut legare sive in hereditate aut aliquo modo assignare voluerit excepta domo religionis reddendo inde annuatim ille et heredes sui sive assignati michi et heredibus meis sex denarios ad duos terminos anni scilicet ad Pascha tres denarios et ad festum sancti Michaelis tres denarios pro omni servicio et exaccione consuetudine et querela salvo servicio domini regis scilicet ad scutagium unum obolum sive maius sive minus fuerit Preterea concedo illi introitum et exitum et pasturam ad animalia sua per omnes terras meas forinsecas Et ego Walterus et heredes mei warantizabimus predictum tenementum prefato Willelmo et heredibus suis sive assignatis contra omnes gentes per servicium prenotatum Hiis testibus Iohanne de Herlaue Willelmo Ioie Ricardo de Pirario Walkelino de Mara Willelmo fabro Iohanne Blancpain Waltero messore Roberto Panimere Thoma Ing[] et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.