Omnibus Christi fidelibus ad quos presens scriptum pervenerit Iohannes filius Lamberti de Bumsted[] salutem in Domino Noverit universitas vestra me concessisse dedisse et presenti carta mea quietum clamasse Deo et beate Marie et sancto Iohanni Baptiste et beatis pauperibus sancte domus hospitalis Ierosalem et domui et fratribus de Mapeltrestede pro salute anime mee et omnium antecessorum et successorum meorum vivorum et mortuorum in liberam et puram et perpetuam elemosinam sicut elemosina aliqua melius et quiecius dari potest religionis domui totum homagium et omnes eventus cum servicio unius dimidie libre piperis quam Willelmus Brun[] michi reddere solebat annuatim de prato quod iacet in Holemed[] proximum iuxta pratum predicte domus de Mapeltrestede sine aliquo retento Et ego Iohannes et heredes mei warantizabimus et defendemus predictum donum et quietam clamacionem predicte domui et fratribus de Mapeltrestede contra omnes homines et feminas in perpetuum Hiis testibus Gilberto de Bailol Rogero de Bailol Rogero filio Bernardi Michaele filio Ioce Galfrido Gallico Willelmo filio Warini Galfrido Temprenoyse Roberto de Heliun et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.