Omnibus Christi fidelibus ad quos presens scriptum pervenerit Cristiana que fuit uxor Gilberti de London[] salutem in Domino Noverit universitas vestra me concessisse et quietum clamasse Deo et beate Marie et sancto Iohanni Baptiste et fratribus hospitalis Ierusalem apud Mapelthurst commorantibus novem denarios annualis redditus quos tenui nomine dotis in villa de Tillebury videlicet de Iohanne Esse 2 denarios de acra et dimidia terre quam Walterus Sibile tenet de eodem Iohanne et de Iohanna que fuit uxor Iames quinque denarios et obolum de novem acris terre quas Iohannes de Esse tenet de eadem Iohanna et duos denarios de Waltero Sibile et Roberto fratre suo de terris et tenementis quod tenent de dictis fratribus tenendos et habendos dictis fratribus in liberam elemosinam libere quiete honorifice bene et in pace ita quod ego Cristiana in tota vita mea nichil de predictis aliquo modo possim recuperare preterquam orationes in Domino Ego autem predicta Cristiana predictos novem denarios annualis redditus quam diu vixero predictis fratribus contra omnes homines et feminas et contra omnes Christianos et Iudeos warantizabo acquietabo et defendam In huius autem rei testimonium huic scripto in mea viduitate sigillum meum apposui Hiis testibus Willelmo filio Philippi Iohanne de Esse Roberto Sibile Rogero de Suatham Willelmo Auncell[] Ricardo Auncell[] Simone de Senegh[] et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.