Sciant presentes et futuri quod ego Ida quondam filia Ricardi le Utlawe de Bumsted Helyun in pura viduitate et legitima potestate mea concessi dedi et hac presenti carta mea confirmavi Deo et beate Marie et sancto Iohanni Baptiste et fratribus hospitalis sancti Iohannis Ierusalem in Anglia apud Mapeltrestede commorantibus et ibidem Deo servientibus pro salute anime mee et antecessorum meorum quinque acras terre et dimidiam acram prati cum pertinentiis iacentes in Bradecroft habend et tenend de me et heredibus meis vel meis assignatis predictis fratribus et eorum successoribus libere quiete bene et in pace in perpetuum reddendo inde annuatim michi et heredibus meis vel meis assignatis predicti fratres et eorum successores viginti denarios ad duos anni terminos videlicet ad festum sancti Michaelis 10 denarios et ad Pascha decem denarios pro omnibus serviciis consuetudinibus auxiliis wardis releviis herrietis escaetis sectis curiarum et secularibus demandis Et ego predicta Ida et heredes mei vel mei assignati predictis fratribus et eorum successoribus warantizabimus acquietabimus et omnibus plenarie defendemus predictas quinque acras terre et dimidiam acram prati cum suis pertinentiis sicut predictum est per predictum servicium liberum contra omnes homines et feminas in perpetuum Hiis testibus Andrea de Helyun Willelmo de Olmested Iohanne de Olmested Stephano filio Stephani Iohanne de Beucham milite Thoma Lancelyn Iohanne Launcelyn Willelmo de Panymere et aliis Datum in itinere iustic[iariorum] apud Chelmereford anno regni regis Edwardi terciodecimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.