Omnibus Christi fidelibus hoc presens scriptum visuris vel audituris Iohannes Cristemasse de Olmested salutem in Domino Noveritis me concessisse et quietum clamasse priori hospitalis sancti Iohannis Ierusalem in Anglia et fratribus apud Mapeltrested totum ius et clamium quod habeo vel habui vel aliquo modo habere possum vel potero in una via que tendit de bruera de Elmested usque ad feodum hospitalis prenominati quod vocatur Englisses Hamstall ultra terram meam quam perpetravi de Ricardo de Steyton de feodo de Cokayne sicut in antiquis temporibus uti solebant ita quod nec ego Iohannes Crestemasse nec heredes mei nec aliquis nomine nostro in dicta via aliquid iuris vel clamei de cetero petere vel vendicare poterimus In cuius rei testimonium huic presenti scripto sigillum meum apposui Hiis testibus Willelmo le Groes Galfrido de Burnham militibus Willelmo le boteler Benedicto de Cokefeld Rogero de Cogeshall Iohanne filio Galfridi Samanno filio Thome Thoma Cristemass et multis aliis Datum apud Mapeltrestede die iovis proxima post festum sancte Luce evvangeliste anno regni regis [edwardi] vicesimo sexto finiente

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.