Universis sancte matris ecclesie filiis hoc scriptum visuris vel audituris Ida quondam relicta Rogeri de Gelham salutem in Domino Noverit universitas vestra me in legitima viduitate mea quietum clamasse pro me et heredibus meis Deo et beate Marie et sancto Iohanni Baptiste et fratribus hospitalis Ierusalem apud Mapeltrestede Deo servientibus unam libram cimini vel unum denarium quem predicti fratres michi reddere solebant pro terra quam Fabianus filius [Warini] Longi de Mapeltrestede quondam tenuit in liberam puram et perpetuam elemosinam ita quod nec ego nec heredes mei dictam libram cimini vel dictum denarium a predictis fratribus possimus reclamare Et si ita contingat quod aliquis ad predictam libram cimini vel ad predictum denarium voluerit et possit clamium habere ego Ida et heredes mei predictis fratribus predictam libram cimini vel predictum denarium warantizabimus et contra omnes defendemus Hiis testibus Willelmo marescallo de Hamsted[] Willelmo filio Ricardi Iohanne Biddoy Waltero clerico Petro filio Ricardi Gilleberto aurifabro Gilberto Cutebad[] et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.