Sciant presentes et futuri quod ego Sarra que fui uxor Radulphi de Wetheresdene dedi concessi et hac presenti carta mea confirmavi Waltero Brabasoun et Agneti uxori sue unam peciam terre que continet tres rodas cum una via per terras meas ad dictam peciam terre iacentes et cum omnibus suis pertinentiis iacentem in magna Mapeltrestede ex utraque parte inter terram Hugonis de Schoremed unde unum caput abuttat super terram Iohannis de Huntercoumbe et aliud capud abuttat super terram dicti Hugonis habend et tenend de capitalibus dominis feodi totam predictam peciam terre cum omnibus suis pertinentiis predictis Waltero et Agneti uxori sue heredibus suis et assignatis et quandocumque seu cuicumque dicti Walterus et Agnes vel heredes sui vel assignati totam predictam peciam terre cum omnibus suis pertinentiis dare vendere vel assignare voluerint libere quiete bene et in pace in perpetuum reddendo inde annuatim predictis capitalibus dominis feodi omnia servicia inde iure debita et consueta Et ego predicta Sarra et heredes mei vel assignati totam predictam peciam terre cum omnibus suis pertinentiis predictis Waltero et Agneti et eorum heredibus vel assignatis warantizabimus acquietabimus et in perpetuum defendemus In cuius rei testimonium huic presenti carte sigillum meum apposui Hiis testibus domino Iohanne Dyn milite Rogero Boket Willelmo Scott Iohanne Louekyn Iohanne Fenleye Iohanne Baron et aliis Datum apud Mapeltrestede magnam die lune in festo sancti Edmundi regis et martiris anno regni regis Edwardi tercii post conquestum nono

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.