Sciant presentes et futuri quod ego Thomas Herewarde de Mapeltrestede magna dedi concessi et hac presenti carta mea confirmavi domino Ricardo Middeford domino Iohanni de Bokyngham [et] domino Ricardo Frere capellanis tres solidos et tres denarios annualis redditus quos percipere solebam annuatim ad festa Natalis Domini Pasche nativitatis sancti Iohannis Baptiste et sancti Michaelis archangeli de fratribus hospitalis sancti Iohannis Ierusalem in Mapeltrestede parva commorantibus de una pecia terre iacente in villa de magna Mapeltrestede vocatur le Doune habend et tenend predictum redditum cum omnibus suis pertinentiis predictis domino Ricardo Middeford domino Iohanni et domino Ricardo Frere heredibus et assignatis eorum de capitalibus dominis feodi illius per servicia inde debita et de iure consueta Et ego predictus Thomas et heredes mei totum predictum redditum cum omnibus suis pertinentiis predicto domino Ricardo Middeford domino Iohanni et domino Ricardo Frere et heredibus et assignatis eorum contra omnes gentes warantizabimus in perpetuum In cuius rei testimonium huic carte sigillum meum apposui Hiis testibus Iohanne Horold Ricardo atte Park Iohanne Matyn Willelmo Louekyn Iohanne Hayt et aliis Datum apud Mapeltrestede magnam die iovis proxima post festum omnium sanctorum anno regni regis Edwardi tercii post conquestum tricesimo nono

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.